Er du interessert i teoretiske fag og ønskjer å studere ved universitet eller høgskule seinare? Då kan du velje studiespesialisering. Utdanninga er treårig og fører fram til generell studiekompetanse. Du kan òg velje fag som gir spesiell studiekompetanse.
Målet vårt er å gje deg ei god oppleving av skulen samstundes som vi skal førebu deg til vidare studium. Høyanger vgs. er ein liten skule, og det betyr at vi kan følgje deg tett opp! Som elev på studiespesialisering kan du få moglegheit å reise til land som vi samarbeider med i Erasmus+. I tillegg reiser elevar på vg3 på ein felles studietur til utlandet. Våren 2025 går turen til Roma.
